Հացով եւ կակաչի սերմերով պուդինգ՝ հեշտ, յուրահատուկ եւ մատչելի

Մեկ-երկու օրվա հացի օգտագործման մի հրաշալի եղանակ էլ դրանով այս անգլիական աղանդերը պատրաստելն է, որը կարող է նաեւ որպես հագեցնող նախաճաշ ծառայել:

Անհրաժեշտ մթերքները

Հաց- 200-300 գրամ

Կաթ-1 բաժակ

Կարդացեք նաև

Բրնձով պուդինգ (Տեսանյութ)

• 09:22 31.05.2021

Հացով պուդինգ

• 12:30 29.05.2016

Ձու-3 հատ

Շաքարավազ-3/4 բաժակ

Վանիլի մզվածք- 1 ճաշի գդալ

Կակաչի սերմեր-1 ճաշի գդալ

Չամիչ-1 ճաշի գդալ

Կոնյակ-2 ճաշի գդալ

Կարագ-50 գրամ

Պատրաստման եղանակը

Չամիչն ու կակաչի սերմերը լցրեք մի տարայի մեջ, վրան լցրեք վանիլի մզվածքն ու կոնյակը, թողեք առնվազն 10 րոպե:

Ձուն եւ շաքարավազը լավ հարեք, ավելացրեք նաեւ հալեցրած կարագն ու կաթը, կրկին հարեք: Հրակայուն տապակը կարագոտեք:

Հացը կտրատեք կամ շերտերով կամ մանր կտորներով ու լցրեք տապակի մեջ: Կաթնա-ձվային խառնուրդին ավելացրեք կոնյակով կակաչի սերմերը, եւ այդ ողջ խառնուրդը լցրեք հացի վրա:

Դրեք նախապես 175-180 աստիճան տաքացրած ջեռոցը 20-25 րոպեով: Հանեք եւ մատուցեք տաք վիճակում, վրան լցնելով կամ եփված կրեմ, կամ պաղպաղակ, կամ պարզապես թթվասեր:

Բարի ախորժակ:

Պատրաստեց Մելանյա ԲԱՐՍԵՂՅԱՆԸ