Հանրային ծառայությունները կարգավորող հանձնաժողովն այսօրվա նիստում որոշում կայացրեց գազի սակագնի փոփոխության վերաբերյալ: Ըստ հանձնաժողովի որոշման, բնակիչ-սպառողների համար գազի սակագինը կմնա անփոփոխ՝ 1 խմ-ի դիմաց 139 դրամ: Սակագինն անփոփոխ կման նաեւ սոցիալապես անապահով սպառողների համար՝ 1 խմ-ի դիմաց 100 դրամ: Ամսական մինչեւ 10 000 խմ սպառող տնտեսվարողները եւս կվճարեն 1 խմ-ի դիմաց 139 դրամ, իսկ 10 000 խմ-ից ավելի գազ սպառելու դեպքում յուրաքանչյուր 1000 խմ-ը կարժենա $255,91:
Հիշեցնենք, «Գազպրոմ Արմենիան» առաջարկում էր բնակչության համար վերջնական սակագին սահմանել 1000 խմ-ի դիմաց 135,909 դրամ` ներկայումս գործող 139 հազարի փոխարեն, իսկ ՀԾԿՀ-ն իր քննարկումների եւ հաշվարկների արդյունքում առաջարկում է սակագինը թողնել անփոփոխ՝ 139 հազար դրամ:
Ըստ էության, «Գազպրոմ Արմենիան» առաջարկում է 3091 դրամով էժանացնել գազը, բայց ռուսական այս ընկերության առաջարկում մի «նրբություն» կա. ընկերությունն իր ներկայացրած հայտով առաջարկում է սոցիալապես անապահովների համար նույնպես սահմանել 135,909 դրամ՝ ներկայումս գործող 100,000-ի փոխարեն՝ տարեկան մինչեւ 600 խմ սպառման դեպքում: Ընդ որում, «Գազպրոմ Արմենիան» առաջարկում է թանկացնել նաեւ ջերմոցային տնտեսությունների, գյուղատնտեսության ոլորտում որոշ արտադրությունների՝ պահածոների, խմիչքների եւ կաթնամթերք արտադրողների համար գազի սակագինը, ներկայումս գործող 212 դոլարի փոխարեն այն դարձնել 283.14 դոլար, իսկ հանձնաժողովն առաջարկում է այս խմբի սպառողների համար սահմանել 224 դոլար:
Ամսական մինչեւ 10 հազար խմ գազ սպառողների համար էլ ռուսական ընկերությունն առաջարկում է կրկին սահմանել 135,909 դրամ, ներկայումս գործող 139 հազարի փոխարեն:
Կարդացեք նաև
Նելլի ԲԱԲԱՅԱՆ
