«Հաշմանդամություն ունեցողների կյանքն այսօր շատ բարդ է, շատ դժվար ենք ապրում: Ինչքա՞ն կարող են բարի մարդիկ մեզ խղճալ եւ օգնել, չէ՞ որ մենք հեղափոխություն ենք արել, որ մեր կյանքում ինչ-որ բան փոխվի»,-դատարանի առաջ այսօր արտասվելով լրագրողներին ասաց մի կին:
Հիշեցնենք, որ քննվում է ԲՀԿ առաջնորդ Գագիկ Ծառուկյանի կալանքի հարցը: «Ի՞նչ է արել պարոն Ծառուկյանը, որ ժողովրդին օգնո՞ւմ է, որ սովածների մասի՞ն է մտածում, ի՞նչ է արել այդ մարդը»,-արտասվելով հարցադրումներ արեց կինը, ապա շարունակեց,-«Ինձ որեւէ մեկը չի հորդորել գալ այստեղ: Ես միայնակ հաշմանդամ եմ, դժվարությամբ քայլելով եկել եմ այստեղ: Ես քանի օր է՝ լացում եմ, որ երկրում այս վիճակն է, որ պարոն Ծառուկյանի հետ կարելի է այսպես վարվել»:
Կինն ասաց, որ Գագիկ Ծառուկյանից երբեւէ օգնություն չի ստացել, բայց եկել է դատարանի առաջ՝ սրտի ցավն արտահայտելու. «Նա շատ լավ մարդ է, ամբողջ աշխարհը գիտի այդ մասին: Եթե ասեմ՝ ինձ օգնել է, կասեք՝ եկել եմ այստեղ, որովհետեւ օգնել է»:
Լուիզա ՍՈՒՔԻԱՍՅԱՆ
