ԱԺ-ում այսօր առաջին ընթերցմամբ քննարկվում է «Իմ քայլի» մի խումբ պատգամավորների հեղինակած՝ «կարմիր գծերի օրենք» անունով հայտնի օրենքի փոփոխության նախագիծը, որով մի շարք լուծումներ են առաջարկվում վարորդների համար:
Ինչպես նշեց օրենքի համահեղինակներից Սիսակ Գաբրիելյանը, փոփոխություններն արմատական են: «Վարորդներն այսուհետեւ կտուգանվեն բացառապես տեսանյութի առկայության դեպքում: Հիմա, գիտեք, պտտվում են շրջիկ մեքենաներ եւ երկու տարբեր ժամանակահատվածում լուսանկար անում, բայց քաղաքացիները դժգոհում են եւ ասում, որ այդքան չեն կայանել: Եզրահանգել ենք, որ կարմիր գծերը փաստացի կվերանան եւ կգործեն միայն Կենտրոն վարչական շրջանում եւ Արաբկիր վարչական շրջանի որոշ հատվածներում: Բոլոր այն վայրերում, որտեղ կլինեն կարմիր գծեր, տեղադրված կլինեն տեսախցիկներ, եւ վարորդը տուգանքը ստանալու է առնվազն 15 րոպեանոց տեսանյութի միջոցով: Առայժմ սակագների փոփոխություն չի նախատեսվում, քանի դեռ նոր տրանսպորտային համակարգ չունենք»,-տեղեկացրեց պատգամավորը:
Նա նշեց՝ օրենքը չի արգելում այլ վարչական շրջաններում էլ կարմիր գծեր ունենալ, սակայն այս պահին հատկապես Կենտրոն վարչական շրջանը բեռնաթափելու խնդիր կա:
Կարդացեք նաև
Լուիզա ՍՈՒՔԻԱՍՅԱՆ
