Բարձրագույն դատական խորհրդի (ԲԴԽ) անդամ Մեսրոպ Մակյանը ՀՀ վերաքննիչ քրեական դատարանի դատավոր Ալեքսանդր Ազարյանի վերաբերյալ կարգապահական գործի քննության ընթացքում ինքնաբացարկի միջնորդություն ներկայացրեց:
Նա պատճառաբանեց իր ինքնաբացարկն այն հանգամանքով, որ Ալեքսանդր Ազարյանի պաշտպան Տիգրան Աթանեսյանն իր մտերիմ ընկերն է, նրա հետ գտնվում է քավոր-սանիկական հարաբերությունների մեջ: Նա նաև հայտնեց, որ նախկինում էլ էլեկտրոնային համակարգում իրեն մակագրված մի շարք գործերով ինքնաբացարկ է հայտնել՝ հաշվի առնելով այդ նույն հանգամանքը:
Հիշեցնենք՝ Բարձրագույն դատական խորհուրդը սկսել է ՀՀ վերաքննիչ քրեական դատարանի դատավոր Ալեքսանդր Ազարյանի վերաբերյալ կարգապահական գործի քննությունը: Կարգապահական վարույթը հարուցվել է արդարադատության նախարար Ռուստամ Բադասյանի կողմից՝ ՀՔԾ պետ Սասուն Խաչատրյանի հաղորդման հիման վրա:
Գործի քննությանը մասնակցում է նաև ՀՀ արդարադատության նախարար Ռուստամ Բադասյանը:
Կարդացեք նաև
ԲԴԽ-ն գնաց խորհրդակցական սենյակ: Քիչ անց ԲԴԽ-ն որոշում կայացրեց մերժել Մեսրոպ Մակյանի ինքնաբացարկի միջնորդությունը:
Տաթև ՀԱՐՈՒԹՅՈՒՆՅԱՆ
