Կառավարության հեղինակած՝ ՀՀ վարչական եւ քրեական դատավարության օրենսգրքերում փոփոխությունների մասին օրինագծի համաձայն՝ ՀՀ վճռաբեկ դատարանը վարչական եւ քրեական գործերի վերաբերյալ բողոքները գրավոր ընթացակարգով քննելու հնարավորություն կստանա: Օրինագիծն այսօր ԱԺ նիստում քննարկվում է առաջին ընթերցմամբ:
«Գործող ընթացակարգերով՝ քրեական եւ վարչական գործերով բողոքների քննության համար վճռաբեկ դատարանը պետք է անպայման նիստ հրավիրի, սակայն համավարակի պայմաններում նիստերի կայացման խոչընդոտներ կան: Առաջարկում ենք գրավոր ընթացակարգ՝ վարչական եւ քրեական դատավարության շրջանակում»,-նշեց ՀՀ արդարադատության փոխնախարար Ռաֆիկ Գրիգորյանը:
Փոխնախարարը տեղեկացրեց, որ 2018թ.-ից քաղաքացիական գործերի բողոքները վճռաբեկում արդեն իսկ քննվում են գրավոր ընթացակարգով, եւ այդ փորձը հաջողված է:
Կարդացեք նաև
Լուիզա ՍՈՒՔԻԱՍՅԱՆ
