Վերաքննիչ քրեական դատարանը՝ դատավոր Արսեն Նիկողոսյանի նախագահությամբ, չորեքշաբթի քննում էր ՀՀ երկրորդ նախագահ Ռոբերտ Քոչարյանի պաշտպանների՝ նախագահի խափանման միջոց կալանքը փոխելու միջնորդությունները մերժելու մասին Երևանի ընդհանուր իրավասության դատարանի որոշման դեմ բողոքը։
Ռոբերտ Քոչարյանի պաշտպանական թիմի անդամ Հովհաննես Խուդոյանը անդրադարձավ գրավի մասին դատավորի հարցադրումներին։
«Պարոն Քոչարյանի որդին և դուստրը յուրաքանչյուրը ունեն բնակարան, որտեղ տարիներ շարունակ բնակվում են, այսինքն՝ իրենց բնակության վայրերն են։ Դատարանի կողմից բավարար համարվելու դեպքում պատրաստակամ են այդ գույքը՝ որպես գույքային միավոր՝ որպես գրավ ներկայացնել դատարանին։ Նաև հաշվի առնելով, ինչպես արդեն քննարկվեց ոչ միայն նրանց նյութական արժեքը, այլ նաև հարցի բարոյական կողմը»,- ասաց նա։
Ամի ՉԻՉԱԿՅԱՆ
