«Շրջակա միջավայրի նախարարությունը բնականոն է աշխատում, կա նախարարի պարտականությունները կատարող: Առաջիկայում կնշանակվի նախարար»,-ԱԺ-կառավարություն հարցուպատասխանի ժամանակ այսօր ասաց ՀՀ վարչապետ Նիկոլ Փաշինյանը՝ արձագանքելով «Լուսավոր Հայաստանի» պատգամավոր Հրանտ Այվազյանի հարցին, թե երբ է նշանակվելու շրջակա միջավայրի նախարար:
Հարցի համատեքստում պատգամավորը շեշտել էր, որ խնդիրները շատ են, օրինակ՝ ձկնագողությունը Սեւանում եւ մարզերից մեկում բերքին սպառնացող թրթուրների գրոհը:
Փաշինյանը կատակեց. «Եթե իմանայի, որ թրթուրներն առաջացել են նախարարի հեռանալուց եւ նրա նշանակմամբ կհեռանան, հենց այսօր երեկոյան կնշանակեի»:
Այվազյանը շարունակեց՝ եթե առանց նախարարի նորմալ աշխատում են, գուցե միավորե՞նք այն մեկ այլ նախարարության հետ: Փաշինյանը չբացառեց, որ կարող են վերադառնալ նման քննարկման, եթե պարզվի, որ դրա արդյունավետությունը հիմնավորված է. «Բայց այս պահին նման պլաններ չկան, ընդունում եմ, որ շրջակա միջավայրի նախարարի նշանակումը հնարավորինս արագ է պետք անել»:
Կարդացեք նաև
Լուիզա ՍՈՒՔԻԱՍՅԱՆ
