«Փորձում ենք զարգացնել արեւային էներգիայի ոլորտը, որն էժան հոսանք կբերի շուկա: Պետություն-մասնավոր գործակցության արդյունքում փոքր եւ միջին կայաններ են կառուցվում: 12-ն արդեն պատրաստ են, մնացած 46-ը դեռ պետք է կառուցվեն, 13-ն էլ արտադրման փուլում են»,-ԱԺ նիստում այսօր ասաց Կամո Սարգսյանը:
Վարչապետը հանրային ծառայությունները կարգավորող հանձնաժողովի անդամի պաշտոնում առաջադրել է Կամո Սարգսյանի թեկնածությունը:
«Էժան նստող հոսանքը որքան շատ լինի, սակագինն այդքան կէժանանա: Այս պահին ՀԷՑ-ի կողմից սակագնի վերանայման հայտ չկա: Շուկայի ազատականացման գործընթացը 2021թ.-ից կյանքի է կոչվելու, եւ կերեւա հոսանքի ինքնարժեքը, թանկանալու/էժանանալու հնարավորությունը»,-նշեց Սարգսյանը:
Լուիզա ՍՈՒՔԻԱՍՅԱՆ
