«Իշխանությունը փորձում է լռեցնել քաղաքական ընդդիմախոսներին: Սա Հայաստանը վերջնական փակուղի տանող ճանապարհ է: Մի բան կարող եմ ասել խորհրդարանական մեծամասնությանը, որոնցից շատերին շատ լավ ճանաչում եմ. վստահաբար, դեմ եք եղել ձեզ պարտադրված անօրինական քվեարկությանը, սակայն հիշեք՝ Հայաստանը բռնապետություն դառնալու ռեսուրս չունի»,-ԱԺ նիստում այսօր հայտարարեց «Բարգավաճ Հայաստան» խմբակցության քարտուղար Արման Աբովյանը:
Հիշեցնենք՝ երեկ ԱԺ-ն քվեարկությամբ համաձայնություն տվեց ԲՀԿ առաջնորդ Գագիկ Ծառուկյանի հանդեպ քրեական հետապնդում սկսելու եւ նրան պատգամավորական անձեռնմխելիությունից զրկելու վերաբերյալ ՀՀ գլխավոր դատախազ Արթուր Դավթյանի միջնորդագրերին:
Աբովյանը նշեց. «Մենք պայքարելու ենք ՀՀ-ում իրական ժողովրդավարական արժեքների, ամեն քաղաքացու սոցիալ-տնտեսական, քաղաքական իրավունքների համար: Երեկ ձեր եւ գլխավոր դատախազի մասնակցությամբ այս դահլիճում տեղի ունեցածը ոչ այլ ինչ էր, քան քաղաքական հաշվեհարդար՝ ձեր կարծիքի հետ անհամաձայնություն հայտնած քաղաքական ուժի եւ նրա ղեկավարի հանդեպ: Եվրոպական կառույցներն ուշադիր հետեւում են ՀՀ-ում ԲՀԿ-ի եւ Գագիկ Ծառուկյանի հանդեպ կատարվող ռեպրեսիվ գործընթացին»:
Ապա Աբովյանը նշեց՝ հաշվի առնելով երեկ տեղի ունեցած իրավական-քաղաքական «բեսբրեդելը»՝ ԲՀԿ-ն բոյկոտում է նիստը, լքում նիստերի դահլիճը:
Կարդացեք նաև
Լուիզա ՍՈՒՔԻԱՍՅԱՆ
