«Քանի դեռ ԱԺ-ն չի տվել համաձայնություն, ԱԱԾ-ն Գագիկ Ծառուկյանին ազատությունից զրկելու իրավունք չուներ, եթե իհարկե այդ պահին պատգամավորը հանցագործություն չի կատարել: Դրան, իհարկե, վերապահումով ենք մոտենում»,-լրագրողների հետ զրույցում այսօր անդրադառնալով հրապարակումներին, որ ԱԱԾ-ն ԲՀԿ առաջնորդ Գագիկ Ծառուկյանին ԱԺ բակից բերման է ենթարկել՝ առանց խորհրդարանի կողմից նրան կալանավորելու թույլտվությունը ստանալու, ասաց ԱԺ նախագահ Արարատ Միրզոյանը:
Նա նշեց. «Նկատեցիք, որ նա հարցերին պատասխանել հրաժարվեց եւ դուրս եկավ նիստերի դահլիճից: Իմ տեղեկություններով՝ ինքը մոտեցել է ԱԱԾ աշխատակիցներին եւ ասել, որ ուզում է գնալ ԱԱԾ, ըստ երեւույթին, իրենց երեկ սկսած զրույցը շարունակելու…Գուցե ԱԱԾ-ն ունեցել է օպերատիվ տվյալներ, գուցե պետք էր վերահսկել, որ ապօրինություն չլինի, բայց փաստն այն է, որ ինքն է մոտեցել եւ ցանկություն հայտնել գնալու ԱԱԾ»:
Հիշեցնենք, որ ազգային ժողովն այսօր քննարկում է ՀՀ գլխավոր դատախազ Արթուր Դավթյանի ներկայացրած միջնորդագիրը՝ ԲՀԿ առաջնորդ Գագիկ Ծառուկյանի հանդեպ քրեական հետապնդում հարուցելու եւ կալանավորումը թույլատրելու հարցով:
Կարդացեք նաև
Լուիզա ՍՈՒՔԻԱՍՅԱՆ
