Անցած 24 ժամվա ընթացքում Վրաստանում կորոնավիրուսի նոր դեպք չի գրանցվել: Հունիսի 16-ի դրությամբ կորոնավիրուսից ապաքինվել է ևս 20 մարդ, այսպիսով առողջացածների թիվը հասել է 724-ի: Վրաստանում այս ընթացքում կորոնավիրուսով վարակվել է 879, գրանցվել է 14 մահ: Կարանտինային ռեժիմում է 2710, հատուկ վերահսկողության ներքո` 267 մարդ:
Միևնույն ժամանակ Իրանում արդեն երրորդ օրն է՝ կորոնավիրուսի հետևանքով օրական մահերի թիվը գերազանցում է 100-ը, ընդհանուր առմամբ համավարակի զոհ է դարձել 9065 մարդ: Հունիսի 16-ի դրությամբ երկրում վարակվածների ընդհանուր թիվը հասել է 192 հազար 439-ի, անցած 24 ժամվա ընթացքում հայտնաբերվել է կորոնավիրուսի 2563 նոր դեպք:
Նշենք, որ աշխարհում կորոնավիրուսի դեպքերի թիվը գերազանցել է 8 միլիոն 141 հազարը, մահվան դեպքերինը՝ 439 հազարը, ապաքինվել է ավելի քան 4 միլիոն 252 հազար մարդ: Վարակի և մահվան դեպքերի թվերով առաջատարը շարունակում է մնալ Միացյալ Նահանգները:
Պատրաստեց՝ Վիկտորյա ԱՆԴՐԵԱՍՅԱՆԸ
