Այն իշխանությունը, որը չի գիտակցում, որ քաղաքական գործընթացների հաջող և երկիրն առաջ տանելու կարևոր նախապայմաններից մեկն էլ ընդդիմություն ունենալն է, սեփական գերեզմանափոսն է փորում։ Իսկ Նիկոլ Փաշինյանի իշանությունը ոչ միայն ընդդիմություն չի հանդուրժում, այլև բոլոր հնարավոր ձևերով իր ճանապարհից հեռացնում է նրանց։
Սակայն այս համատարած անհանդուրժողականությունը ընդդիմախոսների հանդեպ Նիկոլ Փաշինյանին զրկեց ամենակարևոր քաղաքական կռվանից՝ հակակշիռներ չունենալուց, ինչը երկիրը զարգացնելու կարևոր գործոններից է։ Իշխանությունն իր թիկունքում միշտ պիտի զգա ընդդիմության զսպող, սթափեցնող շունչը։
Իշխանությունը պարզապես չի կարող քննադատության համար ընդդիմախոսի ընտանիք, անձնական տարածք ներխուժել, ու դա հանրության առաջ սփռել։ Սա քաղաքականություն չէ, սա անբարո վարքագիծ է, ինչն իշխանության համար կրկնակի անթույլատրելի է։
Թվում է, թե պարադոքս է, բայց այսօր Հայաստանում ընդդիմությունն ավելի ուժեղ է, քան իշխանությունը։ Բոլոր առումներով՝ գաղափարական, ինտելեկտուալ, մարտավարական, քաղաքական փորձառության։ Իշխանությունը միայն վարչական, իրավական, հարկային լծակներ ունի, որը երկար չի կարող գործի դնել։
Կարդացեք նաև
Այնպես որ, Նիկոլ Փաշինյանը պիտի մտածեր ոչ թե ընդդիմությանը ճնշելու, ոչնչացնելու մասին, այլ նրա ներուժը ևս օգտագործելու, եթե իհարկե, այս իշխանությունը երկիրը զարգացնելու խնդիր էր ընդհանրապես դրել։
Ռուզան ԽԱՉԱՏՐՅԱՆ
Հոդվածն ամբողջությամբ՝ «Իրատես» թերթի այսօրվա համարում:
