Թուրքիայի և Հունաստանի միջև սահմանին իրավիճակը կարող է կտրուկ վատանալ փախստականների մեծ հոսքի պատճառով: Ինչպես հաղորդում է Deutsche Welle-ն, այս մասին նախազգուշացրել է Սահմանային և առափնյա հսկողության եվրոպական գործակալության (Frontex) ղեկավար Ֆաբրիս Լեգերին: Եթե Անկարան «ստեղծի մի իրավիճակ, ինչպես մարտին», ապա Frontex-ը զգալի կմեծացնի իր աշխատակազմը Հունաստանում՝ հայտարարել է Լեգերին: Նրա խոսքով՝ «ճգնաժամային իրավիճակում» գործակալությունը կարող է Հունաստան ուղարկել մինչև 1500 աշխատակից: Այժմ Թուրքիայի հետ սահմանին, Էգեյան ծովում և կղզիներում աշխատում է Frontex-ի շուրջ 600 աշխատակից:
Մարտին Թուրքիայի նախագահ Ռեջեփ Թայիփ Էրդողանը հայտարարել էր, որ Անկարան այլևս չի խոչընդոտելու փախստականների տեղաշարժին դեպի Եվրամիության երկրներ՝ փաստացիորեն բացելով սահմանը նրանց համար:
«Վերջին մի քանի ամիսներին Էվրոսում թուրք սահմանապահները նվազագույնը հինգ անգամ կրակ են բացել փախստականների վրա Հունաստանի ուղղությամբ: Տուժածներ չկան»,-ասել է Լեգերին:
Frontex-ի տվյալներով՝ մայիսի գրանցվել է սահմանի անօրինական հատման 1205 դեպք՝ Թուրքիայով և Հունաստանով` Միջերկրական ծովի արևելյան մասով, ինչը 8 անգամ ավելին է, քան ապրիլ ամսվա ցուցանիշները: Իսկ հունվարից մինչև մայիս գրանցվել է սահմանի անօրինական հատման 12 հազար 700 դեպք:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
