«Մեր տվյալներով՝ ՀՀ տնտեսական աճը 2020թ.-ի արդյունքներով կլինի բացասական՝ զգալիորեն ավելի ցածր մեր նախորդ կանխատեսումներից: Համավարակից ավելի տուժած ոլորտներն են՝ կացությունն ու սնունդը, տրանսպորտը, տուրիզմը, սպասարկման ծառայությունները, շինարարությունը»,-ԱԺ ֆինանսավարկային եւ բյուջետային հարցերի հանձնաժողովի նիստում այսօր ՀՀ կենտրոնական բանկի գործունեության վերաբերյալ տարեկան հաղորդման ներկայացման ժամանակ անդրադառնալով կորոնավիրուսի տնտեսական հետեւանքներին՝ ասաց ԿԲ նախագահ Մարտին Գալստյանը:
«Իսկ գյուղատնտեսության վրա այն գրեթե ազդեցություն չի ունենա: Անորոշությամբ պայմանավորված՝ կգրանցվի նաեւ մասնավոր սպառման եւ մասնավոր ներդրումների կրճատում»,-նշեց Մարտին Գալստյանը:
Նաեւ հայտնեց, որ գնաճի տոկոսն, ընդհանուր առմամբ, ցածր է:
Գալստյանի խոսքով՝ ցանկացած զարգացման պարագայում կենտրոնական բանկը պատրաստ է ապահովելու գների կայունությունը Հայաստանում:
Կարդացեք նաև
Լուիզա ՍՈՒՔԻԱՍՅԱՆ
