Հունիսի 14-ը ամբողջ աշխարհը նշում է որպես Արյան դոնորի միջազգային օր։ Օրվան նվիրված միջոցառումների և քարոզարշավի կարգախոսն է` «Օգնի՛ր հաղթել»: Սա ևս մեկ հնարավորություն է.
1․ հանրությանը տեղեկացնելու արյան դոնորության կարևորության մասին՝ խթանելով որակյալ և անվտանգ արյունը և նրա բաղադրամասերի հասանելիությունը բոլորի համար,
2․ շնորհակալություն հայտնելու դոնորներին իրենց արյունը նվիրաբերելու համար. չէ՞ որ յուրաքանչյուր արյան կաթիլ փրկում է մարդկային կյանքեր,
3․ արյունատվության գաղափարի ինտեգրումը դիտարկելու` որպես կենսակերպի և մշակույթի մաս մեր երկրում:
Կարդացեք նաև
Ներկայումս արյան փոխներարկումը լայնորեն կիրառվում է վիրաբուժության, մանկաբարձության, գինեկոլոգիայի, այրվածքաբանության, վերակենդանացման, արյունաբանության և ուռուցքաբանության ոլորտներում:
Անհրաժեշտ է հիշել, որ աշխարհում մշտապես կա արյան կարիք, իսկ ստեղծված պանդեմիկ իրավիճակում և դոնորների կտրուկ նվազման պարագայում՝ առավել ևս:
ՀՀ ԱՆ «Պրոֆեսոր Ռ. Հ. Յոլյանի անվան Արյունաբանական կենտրոնը» դոնորի միջազգային օրվա շրջանակում, հունիսի 14-ին և 15-ին` ժամը 09:00-13:00-ը, կազմակերպում է միջոցառումներ, արյան դոնորության ակցիաներ, որոնց մասնակցելու են ԱԺ պատգամավորներ, դոնորներ և այլոք:
ՀՀ ԱՌՈՂՋԱՊԱՀՈՒԹՅԱՆ ՆԱԽԱՐԱՐՈՒԹՅՈՒՆ
