«Իրավական ուղի» Հ/Կ հիմնադիր Ռուբեն Մելիքյանի՝ ոստիկանության Արաբկիրի բաժնից դուրս գալը համընկավ քաղաքացիների բերման ենթարկելու հետ։
«Ես խնդրեցի 5 րոպե ժամանակ տալ, որ ես դուրս գամ, շնորհակալություն հայտնեմ մարդկանց։ 5 րոպեի համար, տեսեք մարդկանց ձերբակալում են, նույնիսկ կոշտ ուժի կիրառմամբ։ Չի կարելի այսպես։ Ես հիմա այլ բաժիններ եմ գնալու՝ արդեն փաստաբանի կարգավիճակով՝ այս մարդկանց ձերբակալելու համար։ Անհամաչափ ուժի կիրառում է, այսպես չի կարելի»,- այսպես արձագանքեց նա ոստիկանության գործողություններին։
Ռուբեն Մելիքյանը լրագրողներին հայտնեց, որ ոստիկանությունում արձանագրություն է կազմվել, որպես իրեղեն ապացույց առգրավվել է իր ձեռքի պաստառը, վարույթ պետք է իրականացվի․ «Ես միայնակ ցույց էի իրականացնում, այլ քաղաքացիներ նույնպես միայնակ ակցիա էին իրականացնում, սա դիտվեց ոստիկանության կողմից որպես հավաք»։
Ամի ՉԻՉԱԿՅԱՆ
