Հունիսի 10-ին Առողջապահության համաշխարհային կազմակերպությունը (ԱՀԿ) և ԵՄ-ն տեղեկատվական հանդիպում էին կազմակերպել առողջության առաջնային պահպանման օղակի հայ բուժաշխատողների համար:
Մասնակիցները քննարկում ունեցան վարակի կանխարգելման ու վերահսկման և COVID-19 համավարակի առնչությամբ ԱՀԿ վերջին թարմացումների վերաբերյալ: Տեղեկատվական հանդիպման շրջանակներում քննարկվեցին կորոնավիրուսով վարակված հիվանդներին տնային այցերի և նրանց տնային խնամքի ընթացքում բժշկական անձնակազմի վարքագծի, ԱՀԿ պահանջներին ու ոչ բժշկական դիմակների օգտագործմանը վերաբերող հարցեր:
Քննարկվեցին նաև հայ բուժաշխատողներին հուզող այլ հարցեր:
Հանդիպումը, որին ներկա էր ավելի քան 230 մասնակից, վարում էին ազգային և ԱՀԿ փորձագետները։
Կարդացեք նաև
Այս հանդիպումը հատկապես կարևոր էր՝ հաշվի առնելով, որ ներկա իրավիճակում Հայաստանում առաջնային օղակի բուժաշխատողներն են առաջնագծում զբաղվում COVID-19-ով թեթև և միջին ծանրության հիվանդների բուժմամբ։
EU NEIGHBOURS east
