ԱԺ-ում պատգամավորները, կառավարության անդամները կորոնավիրուսի այս պայմաններում միմյանց բարեւելու նոր ձեւ են գտել՝ բռունցքով են դա անում՝ հպվելով իրար: Մենք առողջապահության նախարար Արսեն Թորոսյանին հարցրեցինք՝ դա բարեւելու ընդունելի՞ տարբերակ է: Արսեն Թորոսյանը պատասխանեց. «Հեսա որ ձեռքս ախտահանեմ՝ ընդունելի կլինի» ու մոտեցավ ալկոգելի տարայի մոտ, սկսեց ձեռքերն ախտահանել:
Մենք նաեւ հարցրեցինք՝ ինչո՞ւ են սուպերմարկետներում պարտադրում ձեռնոց կրել, երբ ավելի արդյունավետ է ձեռքերն անընդհատ ալկոգելով ախտահանելը, քան նույն ձեռնոցով ե՛ւ փողին դիպչելը, ե՛ւ ապրանքներին ու սպառողներին: Թորոսյանը պատասխանեց, որ պարետի ցուցումով նման պահանջ չկա ու ձեռնոցը պարտադիր չէ:
Հռիփսիմե ՋԵԲԵՋՅԱՆ
