Ազգային ժողովի դարպասների դիմաց այսօր «Իրավական ուղի» ՀԿ համահիմնադիր Ռուբեն Մելիքյանը ցույց էր անում՝ քաղաքացիներին խաղաղ հավաքների ազատությունը վերադարձնելու պահանջով: «Բողոքում եմ արգելքի դեմ, այն համարում եմ հակասահմանադրական եւ հակաօրինական: Ես իրավունք ունեմ այստեղ գտնվելու, սոցիալական հեռավորություն եմ պահպանել, հակահամաճարակային ցուցումները՝ եւս: Իրավունք ունեմ միայնակ ցույց անելու եւ պահանջելու, որ ՀՀ քաղաքացուն վերադարձնեն իր սահմանադրական իրավունքը՝ խաղաղ հավաքների ազատությունը: Կամավոր ձեւով այստեղ գտնվելը դադարեցնել չեմ պատրաստվում: Այստեղ այլ իրավապաշտպաններ էլ կան, այդ թվում՝ ՀՀ մարդու իրավունքների առաջին պաշտպանը»,-ֆեյսբուքյան ուղիղ եթերում հայտարարեց Մելիքյանը:
https://www.facebook.com/rubenmelikian/videos/10222840200017719/
Ապա Ռուբեն Մելիքյանին մոտեցավ ոստիկանության ավագ լեյտենանտ Զաքարյանը եւ ասաց.
Կարդացեք նաև
-Դուք մենակ չեք, մի հատ էլ ձեր կողքը նայեք, դուք հրաժարվում եք կատարել ոստիկանության օրինական պահանջը:
Մելիքյան-Ձեր պահանջն օրինական չէ:
-Դա ձեր խնդիրն է:
Մելիքյան-Ոչ միայն օրենք չեմ խախտում, այլեւ իրավունք ունեմ այստեղ գտնվելու:
-Երկրում կորոնավիրուսի համաճարակ է, մարդկանց ցանկացած տիպի հավաքն արգելվում է, պարետի որոշումները խախտում եք: Ոստիկանությունը ձեզ խնդրում է դադարեցնել: Սա խնդրանք է եւ պահանջ:
Մանրամասն՝ տեսանյութերում
https://www.facebook.com/rubenmelikian/videos/10222839884689836/
Լուիզա ՍՈՒՔԻԱՍՅԱՆ
