Վրաստանից Մարիամ Գագոշաշվիլին, անդրադառնալով Ջորջ Ֆլոյդի ողբերգությունից հետո սկսված բողոքի ցույցերին, իր ներգաղթյալ ընկերների հետ քննարկումների ընթացքում հանգել է եզրակացության, որ նրանք հակված են կենտրոնանալ ավելի շատ բռնության և թալանի, քան այն ողբերգության վրա, որը հանգեցրել է զանգվածային ցույցերին:
Դրան հակազդելու համար, Գագոշաշվիլին ֆեյսբուքյան փակ խումբ է ստեղծել եվրասիական ներգաղթյալների համար, որտեղ նա խոսում է սոցիալական և ռասայական արդարության մասին:
Ռասայական և սոցիալական արդարության այս խնդիրները հայտնվել են սոցիալական ցանցերում տարածված ապատեղեկատվական արշավների թիրախում: Նպատակը` կեղծ լուրերի ու մանիպուլյացիաների միջոցով ռասայական խտրականության խթանումն է:
Դրա օրինակներից է #DCblackout հեշթեգը, որը կեղծ լուրեր էր տարածում, այն մասին, թե իբր իշխանություններն արգելափակել են բջջային հեռախոսների և այլ սարքերի ազդանշանները Վաշինգտոնի ցույցերի ժամանակ, որպեսզի խափանեին ոստիկանության դաժանության ցանկացած միջադեպի մասին հաղորդում:
Կարդացեք նաև
«Վաշինգտոն Փոստ» թերթը հայտնել է, որ այս քարոզարշավը սկսվել է մի հաշվեհամարից, որն ունեցել է ընդամենը մի քանի հետևորդներ, իսկ այնուհետև տարածվել է շատ արագ:
Փատրիկ Ուորենը Քլեմենսոն համալսարանից ասում է, որ այս ապատեղեկատվությունը հատկապես վտանգավոր է, երբ խոսքը այնպիսի խնդիրների մասին է, ինչպիսիք են COVID-19-ը կամ պատվաստումը:
Փորձագետների կարծիքով սոցցանցերն այսօր ավելի լավ են աշխատում կեղծ հաշվեհամարների արգելափակման առումով: Բայց ապատեղեկատվությունը շարունակում է մնալ կարևոր խնդիր:
Մանրամասները՝ սկզբնաղբյուր կայքում:
