ԱԺ պետաիրավական հարցերի հանձնաժողովի նիստում այսօր քննարկվում է ՀՀ աշխատանքի եւ սոցիալական հարցերի նախարարության հեղինակած՝ «Քրեական օրենսգրքում լրացում կատարելու» օրինագիծը, որը քրեական պատասխանատվություն է նախատեսում խաբեությամբ, վիճակի խոցելիության օգտագործմամբ, վստահությունը չարաշահելու միջոցով, կյանքի եւ առողջության համար ոչ վտանգավոր բռնություն գործադրելու կամ բռնություն գործադրելու սպառնալիքի միջոցով անձին ծնողական իրավունքից հրաժարվել հարկադրելու համար: Ընդ որում, եթե ենթադրյալ հարկադրողը լինի բուժաշխատող, դա կդիտվի որպես ծանրացնող հանգամանք:
Ինչպես նշեց աշխատանքի եւ սոցիալական հարցերի փոխնախարարը, նախորդ տարի քրեական գործ հարուցվեց՝ երեխաների ապօրինի որդեգրման փաստի առթիվ, եւ այս օրինագիծը նման դեպքերը կանխելուն է միտված, որպեսզի պաշտպանվեն երեխայի շահերը եւ ընտանիքում ապրելու հնարավորությունը: Հավելենք, որ օրինագիծն առաջիկայում քննարկվելու է ԱԺ լիագումար նիստում:
Լուիզա ՍՈՒՔԻԱՍՅԱՆ
