«Երկրի հարցը» հաղորդման ընթացքում հաղորդավարը «Հայրենիք» կուսակցության նախագահ, ԱԱԾ նախկին տնօրեն Արթուր Վանեցյանին խնդրեց անդրադառնալ «Իմ քայլը» խմբակցության պատգամավորների ակնարկների ձևով արած պնդմանը, թե իբր ԱԱԾ նախկին տնօրեն Արթուր Վանեցյանը օտարերկրյա գործակալ է։ Իսկ հետո նաև պատգամավոր Արթուր Մանուկյանն է ասել, թե թող խոսի, որովհետև երբ խոսում է, հասկանում են, որ երկրի շահերն է սպասարկում, ինչ է մտածում մեր մասին։
Արթուր Վանեցյանը պատասխանեց, որ բացառապես խոսում է Հայաստանի Հանրապետության և ժողովրդի շահերից։ Եվ իր ցանկացած հայտարարություն միտված է այդ շահը պաշտպանելուն․ «Ի սկզբանե կեղծ պնդումներ են և որևէ աղերս չունեն իրականության հետ։ Տեսնելով այսօրվա իշխանության վերաբերմունքը քաղաքական ընդդիմախոսների նկատմամբ, հավատացած եղեք, եթե նրանք ունենային մի փոքր, մի ամենաչնչին ապացույցը իմ այս կամ այն հանցավոր արարքի մեջ, դա կա՛մ կհրապարակվեր մամուլում, կա՛մ իմ նկատմամբ կիրականացվեր քրեական հետապնդում։ Բայց ինչպես տեսնում եք՝ որևէ բան չկա»։
Ամի ՉԻՉԱԿՅԱՆ
