«Ելք» դաշինքի քարոզիչների ու Արթուր Այվազյանի՝ Մանախի, միջեւ տեղի ունեցած միջադեպի գործով դատաքննությունը վերսկսվել է Այվազյանի պաշտպան Հայկ Ալումյանի միջնորդությամբ:
Հիշեցնենք, որ Մանախին, որը 14 տարի անցկացրել էր կալանավայրում Հոկտեմբերի 27-ի գործով կարեւոր վկայի սպանության համար, այս անգամ էլ մեղադրանք է առաջադրվել, որ Անդրանիկի փողոցում «Ելք» դաշինքի համակիր Հայկ Սարգսյանի նկատմամբ բռնություն գործադրելով՝ «պահել է ապօրինի ձեռք բերած ատրճանակ՝ «անթաքույց արհամարհանք դրսեւորելով հասարակության նկատմամբ»: Ըստ մեղադրանքի, նա բռնությամբ զուգորդված խուլիգանություն է արել՝ Քր․ Օր-ի 258 հոդված, մաս երկրորդ, եւ ապօրինի զենք է կրել՝ 235 հոդված, մաս 1-ին։
«Գործում կային նյութեր, որոնք չէին հետազոտվել, որոնք որ համարեցի, որ կարեւոր են, որ հետազոտվեն, միջնորդեցի դատաքննությունը վերսկսվի: Մասնավորապես, ինտերնետում որոշ հրապարակումներ են եղել 2015 թվականի ապրիլի մեկին, որոնք կարող են կարեւոր նշանակություն ունենալ գործի համար»,- ասաց Հայկ Ալումյանը:
Հաջորդ դատական նիստը նշանակվել է հունիսի 26-ին:
Կարդացեք նաև
Արփինե ՍԻՄՈՆՅԱՆ
