Լրահոս
Դա պե՞տք է մեզ. «Ազգ»
Օրվա լրահոսը

Արթուր Թովմասյանը հույս է հայտնել, որ Արցախ-Կիպրոս բարեկամության շրջանակն իր գործունեությամբ կնպաստի Արցախի միջազգային ճանաչմանը

Հունիս 10,2020 18:14

Ազգային ժողովի նախագահ Արթուր Թովմասյանը հունիսի 10-ին ԱԺ մշտական հանձնաժողովների և խմբակցությունների ղեկավարների մասնակցությամբ հրավիրել է աշխատանքային խորհրդակցություն՝ «Արցախ-Կիպրոս» բարեկամության շրջանակ ձևավորելու նպատակով: Խորհրդակցությանը հրավիրվել է նաև Արտաքին գործերի նախարարի տեղակալ Արմինե Ալեքսանյանը:

ԱԺ նախագահը, բացելով խորհրդակցությունը, նշել է, մարտի 6-ին Կիպրոսում հայտարարվել է Արցախի հետ բարեկամության շրջանակ ստեղծելու մասին:

Շրջանակին անդամակցում են Կիպրոսի խորհրդարանի, քաղաքային խորհրդի անդամներ, հայտնի քաղաքական գործիչներ և գիտնականներ:

«Շրջանակի հետ համագործակցությունը գործնական դաշտ տեղափոխելու նպատակով՝ անհրաժեշտ եմ համարում Արցախի խորհրդարանի հովանու ներքո կազմավորել Արցախում Կիպրոսի հետ բարեկամության շրջանակ»,-ընդգծել է Արթուր Թովմասյանը:

Հրապարակելով Արցախ-Կիպրոս բարեկամության շրջանակի կազմը՝ խորհրդարանի ղեկավարը հույս է հայտնել, որ այն կընդլայնվի և իր գործունեությամբ կնպաստի ինչպես Արցախի միջազգային ճանաչմանը, այնպես էլ՝ Արցախի և Կիպրոսի միջև գործնական հարաբերությունների սերտացմանը:

«Արցախ-Կիպրոս» բարեկամության շրջանակ

Նախագահ՝ Արթուր Թովմասյան (Արցախի Հանրապետության ԱԺ նախագահ)

Գլխավոր քարտուղար՝ Արմինե Ալեքսանյան

Անդամներ՝

Աշոտ Ղուլյան (6-րդ գումարման ԱԺ նախագահ)

Գեղամ Ստեփանյան («Արցախի ժողովրդավարական կուսակցություն» խմբակցություն)

Արթուր Մոսիյան («Հայ հեղափոխական դաշնակցություն» խմբակցություն)

Վահրամ Բալայան («Հայ հեղափոխական դաշնակցություն» խմբակցություն)

Դավիթ Գալստյան (Արցախի «Արդարություն» խմբակցություն)

Սեյրան Հայրապետյան («Միասնական հայրենիք» խմբակցություն)

Գոհար Սարգսյան («Միասնական հայրենիք» խմբակցություն)

Արթուր Հարությունյան («Ազատ հայրենիք» խմբակցություն)

Արամ Գրիգորյան («Ազատ հայրենիք» խմբակցություն)

Արմեն Հակոբյան («Ազատ հայրենիք» խմբակցություն)

Լեռնիկ Հովհաննիսյան (ԱրՊՀ դասախոս)

Ռոբերտ Ղահրամանյան (ԱԺ աշխատակազմի ղեկավար)

Սիրանուշ Սարգսյան (ԱԺ գիտության, կրթության, մշակույթի, երիտասարդության և սպորտի հարցերի մշտական հանձնաժողով)

Սոֆի Իվանիդիս (Արցախի հունական համայնքի ներկայացուցիչ)

Բարեկամության շրջանակի քարտուղար՝ Լիլիթ Ասրյան (ԱԺ լրատվության և հանրության հետ կապերի բաժնի վարիչ):

Ամփոփելով խորհրդակցության արդյունքները՝ ԱԺ նախագահը գոհունակության և երախտիքի խոսք է ուղղել Արցախի Հանրապետության Ազգային ժողովին, արտաքին գործերի նախարարությանը և ՀՅԴ Հայ Դատի Եվրոպայի և Կիպրոսի հանձնախմբերին՝ Կիպրոսում շրջանակի ստեղծման գործում ցուցաբերած անգնահատելի աջակցության համար:

Արցախի Հանրապետության ԱԺ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հունիս 2020
Երկ Երե Չոր Հնգ Ուրբ Շաբ Կիր
« Մայիս   Հուլ »
1234567
891011121314
15161718192021
22232425262728
2930