«Աշխատանքային օրենսգրքում փոփոխությունների մասին» օրինագծով, որը հեղինակել է «Իմ քայլի» պատգամավոր Ծովինար Վարդանյանը, հղիության արձակուրդից վերադարձած կանանց երաշխիքներն ամրապնդվում են մինչեւ երեխայի մեկ տարեկան դառնալը, օրինակ՝ մինչեւ երեխայի մեկ տարեկանը չի կարող փոփոխվել նրա մոր աշխատավարձի չափը:
ԱԺ առողջապահության եւ հանրային հարցերի հանձնաժողովի նիստում այսօր օրինագծի հեղինակ Ծովինար Վարդանյանը տեղեկացրեց, որ սահմանվել է նաեւ հայրության՝ վճարովի հիմունքներով արձակուրդ. «Սա նորություն է ՀՀ-ում եւ հատկացվում է երեխայի հորը՝ երեխայի ծնվելուց հետո: Երեսուն օրվա ընթացքում երեխայի հայրն իր ցանկությամբ կարող է վերցնել հինգ աշխատանքային օր տեւողությամբ վճարովի արձակուրդ: Օրենքի այս կետը կգործի հունվարի մեկից»:
Հավելենք, որ օրինագիծը դեռ պետք է քննարկվի եւ քվեարկվի ԱԺ լիագումար նիստում:
Լուիզա ՍՈՒՔԻԱՍՅԱՆ
