Կորոնավիրուսի համավարակի դրական կողմերից մեկն այն է, որ Շիրակի մարզի բնակիչների մի մասը, չկարողանալով մեկնել արտագնա աշխատանքի, այս տարի սկսել է մշակել երկար տարիներ չմշակված հողերը: Այս մասին այսօր ԱԺ տարածքային, տեղական ինքնակառավարման, գյուղատնտեսության եւ բնապահպանության հարցերի հանձնաժողովի նիստում 2019թ.-ի պետբյուջեի կատարողականի ներկայացման ժամանակ ասաց Գեղարքունիքի մարզպետ Գնել Սանոսյանը:
Նա նշեց. «Կփորձենք ամեն ինչ անել, որ գործընթացը շարունակական լինի: Մենք բոլորին հող ենք տվել: Ատամնաբույժի համար ձեռնտու է իր աշխատանքը, նա 90-ականներին ստացած հողը չի մշակում, բայց երբ ներդրող է հայտնվում, ով ուզում է հողերն օգտագործել, չգիտես ինչու՝ բնակիչներն ընդդիմանում են: Սա բոլորիս խնդիրն է: Ուրախ կլինեինք, եթե ազգային ժողովն օգներ չմշակվող հողերի խնդիրը լուծել, օրինակ՝ դրանք վարձով տրվեին, եւ համայնքի բնակիչները չասեին, թե այս կամ այն ներդրողը եկել ու վերցրել է գյուղի բոլոր հողերը: Ներդրողները նեղանում են, ասում են, որ եկան, բայց իրենց հող չտվեցինք»:
Լուիզա ՍՈՒՔԻԱՍՅԱՆ
