Երեւանի տրանսպորտի զարգացման ծրագրի նախնական փուլով՝ 100 ավտոբուսի գնման մրցույթ է հայտարարված, լրացուցիչ վարկային դոնորների ուսումնասիրման աշխատանք է կատարվել: Այս մասին այսօր ԱԺ տարածքային, տեղական ինքնակառավարման, գյուղատնտեսության եւ բնապահպանության հարցերի հանձնաժողովի նիստում 2019թ.-ի պետբյուջեի կատարողականի ներկայացման ժամանակ ասաց Երեւանի քաղաքապետի տեղակալ Հայկ Սարգսյանը:
«Ողջ աշխարհում է տրանսպորտային ցանցը վնասաբեր, ուստի ներդրող գտնելու մասին խոսք լինել չի կարող: Մինչեւ ավտոբուսների ամբողջական խմբաքանակը չլինի Երեւանում, տրանսպորտի զարգացման ծրագիրը հնարավոր չի սկսել, քանի որ տոմսային համակարգ պետք է աշխատի, անձնակազմը պետք է վերապատրաստվի: Ութ ամսից մեկ տարի է տեւում, մինչեւ այդ մեծ ծավալի ավտոբուսներն արտադրվում ու ներկրվում են»,-նշեց նա:
Լուիզա ՍՈՒՔԻԱՍՅԱՆ
