Երեւանի մետրոպոլիտենի վերանորոգման ընթացքում մի շարք հարցեր են առաջացրել, որոնք վերաբերում են նախագծային փոփոխություններին, մետրոպոլիտենի առկա վիճակին, Երեւանի ընդերքում առաջացած ջրային պաշարներին. ԱԺ տարածքային, տեղական ինքնակառավարման, գյուղատնտեսության եւ բնապահպանության հարցերի հանձնաժողովի նիստում 2019թ.-ի պետբյուջեի կատարողականի ներկայացման ժամանակ այսօր ասաց ՀՀ տարածքային կառավարման եւ ենթակառուցվածքների նախարար Սուրեն Պապիկյանը:
«Բավականին մեծաքանակ ջրի մասին է խոսքը, թիվն այս պահին չեմ կարող ասել, բայց առնվազն փոքրիկ գետի մասին է խոսքը, որը հեռացնելու խնդիր կա: Նախագծային լուծումներ տրված են, եւ կորոնավիրուսով պայմանավորված՝ շինարարական ընկերությունն այս պահին չի աշխատում, կամ գուցե տեղական կապալառուն է դա իրականացնում: Փոխքաղաքապետը մանրամասները կասի: Եթե չեմ սխալվում՝ վերանորոգողն իսպանական ընկերություն է»:
Ինչ վերաբերում է մետրոյի «Աջափնյակ» կայարանի շինարարությանը, Պապիկյանը վստահեցրեց՝ դա իրենց քաղաքական թիմի խոստումն է, որն իրականացվելու է:
Կարդացեք նաև
Լուիզա ՍՈՒՔԻԱՍՅԱՆ
