Լրագրությունն արագ փոփոխվող, գիտության և տեխնոլոգիայի հետ հեշտությամբ համադրվող մասնագիտություններից է։ Եթե ցանկանում ես դառնալ մրցունակ մասնագետ մեդիայի և հարակից ոլորտներում, ձեռք բերել ոչ միայն տեսական, այլև գործնական և կիրառական գիտելիքներ, զարգացնել և իրագործել անսահմանափակ նոր գաղափարներ, դարձիր Հետք Մեդիա Գործարանի ուսանող։
Հետք Մեդիա Գործարանում սովորելն անվճար է։ Դիմելու հայտը՝ այստեղ։
Տարեկան 30 ուսանող հնարավորություն է ունենալու սովորել Մեդիա Գործարանում։ Ուսանողներին հատկացվելու են նորագույն սարքավորումներ (տեսախցիկ, համակարգիչ, հեռախոս, լույսեր, ձայնագրման սարքեր, մոնտաժի ծրագրեր)՝ ուսումնասիրվող նյութի պրակտիկ կիրառությունն ապահովելու համար։
Հետք Մեդիա Գործարանում դասավանդելու են ոչ միայն լրագրության, այլև գիտության և տեղեկատվական տեխնոլոգիաների ոլորտների առաջատար մասնագետներ։ Նրանք բոլորն ընտրվելու են մի քանի փուլից բաղկացած բաց մրցույթով։
Կարդացեք նաև
Հետք Մեդիա Գործարանում դասավանդվելու են հետևյալ առարկաները․
- հետաքննական լրագրություն,
- փաստերի ստուգում,
- տվյալների լրագրություն,
- տվյալների վիզուալացում,
- ֆոտո լրագրություն,
- վիդեո լրագրություն,
- անիմացիա,
- մոբայլ լրագրություն,
- էթիկա և մեդիա օրենսդրություն,
- անգլերեն լրագրողների համար։
Դասապրոցեսը տևելու է մեկ ակադեմիական տարի՝ երկու կիսամյակով (սեպտեմբեր-դեկտեմբեր, փետրվար-մայիս)։ Դասընթացները տեղի են ունենալու յուրաքանչյուր երկուշաբթիից հինգշաբթի՝ երկու հերթափոխով՝ 10:00-14:00-ը (15 հոգի) և 13:00-17:00-ը (15 հոգի)։
Ամեն օր դասավանդվելու է չորս առարկա՝ տեսական և գործնական մասերով։ Ուրբաթ օրերը ուսանողները հանդիպելու են դասախոսին՝ անհատական հանձնարարությունները քննարկելու և աջակցություն ստանալու նպատակով։ Անհատական հանձնարարությունները հիմնականում լինելու են գործնական բնույթի։
Հետք Մեդիա Գործարանի դասացուցակի նախնական տարբերակը
Հետք Մեդիա Գործարանում կարող են սովորել`
- լրագրության կամ այլ ֆակուլտետների ուսանողները,
- գործող լրագրողները, ովքեր աշխատում են որևէ լրատվամիջոցում,
- ֆրիլանս լրագրողները,
- մեդիա ոլորտով հետաքրքրված անձինք։
Անհրաժեշտ պայմանները՝
- համոզված լինել, որ կարող եք ժամանակ հատկացնել դասերին ներկա լինելուն և հանձնարարությունները կատարելուն,
- գնահատել կրթվելու, անձնական աճի և մասնագիտական կարողությունների զարգացման կարևորությունը,
- լինել ճկուն՝ նորարարությունների, փոփոխությունների և տարբերությունների ընկալման հարցում։
Ընտրություն՝
- նախնական դիմում-հայտերի ընտրություն,
- հարցազրույց,
- փոքր գործնական հանձնարարություն՝ անհրաժեշտության դեպքում,
- վերջնական ընտրություն և հաստատում։
Հայտերի ընդունման վերջնաժամկետ՝ հուլիսի 15, 2020։ Դիմելու հայտը՝ այստեղ։
Հարցերի դեպքում կարող եք զանգահարել +374 44 20 20 48 հեռախոսահամարով կամ գրել հետևյալ էլ. փոստին՝ [email protected]։
Նախագիծն իրականացնում է «Հետաքննող լրագրողներ» հասարակական կազմակերպությունը։ Նախագիծը ֆինանսավորվում է ԱՄՆ պետքարտուղարության Հասարակայնության հետ կապերի գրասենյակի դրամաշնորհի շրջանակներում:
