Քննչական կոմիտեի նախագահ Հայկ Գրիգորյանն այսօր ԱԺ-ում լրագրողների հետ զրույցում հարցին, թե Գագիկ Ծառուկյանի հետ կապված, «Մուլտի գրուպի» գործն ի՞նչ փուլում է՝ պատասխանեց, որ իրենց վարույթում մի գործ կա, խոսքը «Հյուսիս-Հարավի» երկրորդ տրանշի մի դրվագի մասին է. «Այդ դրվագով ունենք 5 մեղադրյալ ներգրաված, միջնորդություն ենք ներկայացրել կալանավորելու, սակայն դատարանը գրավ կիրառեց: Անձամբ Գագիկ Ծառուկյանի առնչությունը այդտեղ չկա»:
ՔԿ ղեկավարն ասաց, որ Գինու,օղու կոմբինատի ղեկավար կազմի հետ կապված էլ մի գործ կա՝ կեղծ ապացույց դատարան ներկայացնելու գործն է, որը ինչ-որ մի ձեւ առնչվում է նրա հետ:
Aravot.am-ը հարցրեց՝ ՀՔԾ պետ Սասուն Խաչատրյանի եւ ԱԱԾ նախկին տնօրեն Արթուր Վանեցյանի հեռախոսային խոսակցության գաղտնալսման գործն ի՞նչ փուլում է:
Հայկ Գրիգորյանը պատասխանեց, որ գործն, ըստ էության, բացահայտված է. «Սակայն դեռ քրեական գործը ավարտված չի: Մենք մի շարք արտասահմանյան մեր գործընկերներին ուղարկել ենք քննչական պահանջ, որը երբ կկատարվի, կավարտվի, դրա արդյունքների ամփոփմամբ նոր որոշում կկայացվի»: Հարցումը արտասահմանյան գործընկերներին ուղարկվել է մոտ 8-9 ամիս, թե երբ կպատասխանեն՝ անհայտ է:
Կարդացեք նաև
Լուրեր կային, որ այդ գործով կա ձերբակալված, Գրիգորյանը հերքեց:
ՔԿ ղեկավարը խոսեց նաեւ Ռուբեն Հայրապետյանի գործի մասին: Քննադատություններ կան, որ չէ՞ր կանխատեսում ՔԿ-ն, որ Ռուբեն Հայրապետյանը կարող էր լքել ՀՀ-ն, չկա՞ քննչական մարմինների բացթողումը՝ Գրիգորյանը պատասխանեց, որ Ռուբեն Հայրապետյանը դեռ փետրվարից, որքան հիշում է, ՀՀ-ում չէ, գործը հարուցվել է մարտից, անձի տեղաշարժման իրավունքը կարող է սահմանափակվել այն դեպքում, երբ նրա նկատմամբ կա խափանման միջոց՝ ստորագրություն՝ չհեռանալու մասին: Այլ դեպքերում են կարող մարդու տեղաշարժվելը սահմանափակել:
Մանրամասները՝ տեսանյութում:
Հռիփսիմե ՋԵԲԵՋՅԱՆ
