Եվրոպայի խորհուրդն աջակցում է Հայաստանի, Վրաստանի, Մոլդովայի, Չեռնոգորիայի և Հյուսիսային Մակեդոնիայի բանտային համակարգերին՝ կանխելու կորոնավիրուսի տարածումը։ Այս մասին ասվում է Եվրոպայի խորհրդի հաղորդագրության մեջ։
Տեղեկատվության համաձայն՝ այս համատեքստում Հայաստանին նվիրաբերվել է 50 բժշկական համազգեստ, 260 շնչառական դիմակ, 8000 մեկանգամյա օգտագործման ձեռնոց, 5000 մեկանգամյա օգտագործման դիմակ, 100 բաժակ, 2 թթվածնային գեներատոր, արյան թթվածնի չափման 5 սարք, 5 ինֆրակարմիր ջերմաչափ, 10 մանրէազերծող լամպ:
Նշվում է, որ նվիրատվության նպատակն է աջակցելու Եվրոպայի Խորհրդի անդամ պետություններին և վերջիններիս բանտերի վարչակազմերին` պահպանելու ԵԽ Խոշտանգումների և անմարդկային կամ արժանապատվությունը նվաստացնող վերաբերմունքի կամ պատժի կանխարգելման եվրոպական կոմիտեի՝ ազատությունից զրկված անձանց նկատմամբ վերաբերմունքի սկզբունքները՝ COVID-19-ի համատեքստում։
Նվիրատվությունները կատարվել են Արդարադատության նախարարությունների և բանտերի վարչակազմերի դիմումների հիման վրա: Հայաստանին տրված աջակցությունը կատարվել է «Բանտերում առողջության պահպանման և մարդու իրավունքների պաշտպանության բարելավում» ծրագրի շրջանակներում:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
