ՀՔԾ-ում շարունակվում է մի շարք նախկին պաշտոնատար անձանց ապօրինի հարստացման եւ կեղծ հայտարարագրեր ներկայացնելու, փողերի լվացման վերաբերյալ քրեական գործերի նախաքննությունը: Այս մասին ԱԺ պետաիրավական հարցերի մշտական հանձնաժողովի նիստում ՀՀ պետբյուջեի 2019թ.-ի կատարողականի ներկայացման ժամանակ այսօր ասաց հատուկ քննչական ծառայության ղեկավար Սասուն Խաչատրյանը:
«Այդ գործերով կատարվել եւ հիմա էլ կատարվում է մեծ ծավալի քննություն: Այդ թվում երկու տասնյակից ավելի քննչական հարցումներ ենք ուղարկվել այլ երկրներ՝ այդտեղ գտնվող հիշյալ անձանց ակտիվները հայտնաբերելու նպատակով»,-հավելեց Սասուն Խաչատրյանը:
Լուիզա ՍՈՒՔԻԱՍՅԱՆ
