Կորոնավիրուսի անախտանիշ կրողները շատ հազվադեպ են դառնում հիվանդության փոխանցող: Այս մասին մամուլի ասուլիսի ժամանակ հայտարարել է Առողջապահության համաշխարհային կազմակերպության տեխնիկական հարցերով ղեկավար Մարիա վան Կերկխովեն:
«Ելնելով առկա տվյալներից՝ քիչ հավանական է, որ ասիմպտոմատիկ հիվանդները վարակը փոխանցեն մեկ այլ անձի: Մի շարք հաշվետվություններ ունենք այլ երկրներից: Այնտեղ հետևում են ասիմպտոմատիկ կրողներին, նրանց շփումներին և հետագա փոխանցում չեն հայտնաբերում: Շատ հազվադեպ է նման բան տեղի ունենում»,-ասել է նա:
Միևնույն ժամանակ վան Կերկխովեն նշել է, որ հաճախ անախտանիշ դեպքեր են սխալմամբ համարում նաև հիվանդության թեթև կամ դեռևս չարտահայտված ախտանիշներով ընթացքը: Պետք է հաշվի առնել, որ մարդը վարակակիր է դառնում կորոնավիրուսի ախտանշանն ի ի հայտ գալուց 2-3 օր առաջ: Իսկ առանց ախտանշանների ընթացք նշանակում է, որ հիվանդության ամբողջ ընթացքում բուժառուի մոտ որևէ ախտանիշ չի դրսևորվել: «Երբ ուսումնասիրում ենք տվյալները և պարզում, թե որքան է իրականում անախտանիշ դեպքերի թիվը, հայտնաբերվում է, որ հաճախ խոսքը թույլ արտահայտված ախտանշանների մասին է»,-ընդգծել է նա:
ԱՀԿ մասնագետները նաև ասել են, որ մեծամասամբ մարդիկ վարակակիր են դարձել նախքան ախտանիշների ի հայտ գալը, ինչի չի նշանակում, որ խոսքը հիվանդության անախտանիշ ընթացքի մասին է, նման դեպքերում ախտանիշներն ուղղակի ավելի ուշ են ի հայտ եկել:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
Media briefing on #COVID19 with @DrTedros https://t.co/OpAU2fsxlR
— World Health Organization (WHO) (@WHO) June 8, 2020
