«Զինծառայողների կյանքին կամ առողջությանը պատճառված վնասների հատուցման հիմնադրամը» դատի է տվել ՀՀ Ազգային ժողովի պատգամավոր Տիգրան Ուրիխանյանին։ Հիմնադրամը պահանջում է պարտավորեցնել պատգամավորին հրապարակայնորեն հերքել զրպարտություն համարվող տեղեկությունները , թե հիմնադրամից գումար է անհետացել:
Անկախ պատգամավոր Տիգրան Ուրիխանյանն իր հայտնած տեղեկությունները զրպարտչական չի համարում. «Ես հրապարակել եմ ճիշտ տեղեկություններ, հանդես եմ գալու դրա հետ կապված հատուկ հայտարարությամբ: Խորհուրդ եմ տալիս, որ Նիկոլ Փաշինյանին էլ դատի տա Պաշտպանության նախարարի, այսինքն՝ կառավարության անդամի կողմից ղեկավարվող հիմնադրամը, հիշեցնենք, որ Պաշտպանության նախարարն է խորհրդի նախագահը, որովհետեւ նախորդ օրը Նիկոլ Փաշինյանի կողմից ինձ փոխանցված գրության մեջ սեւով սպիտակի վրա գրված է, որ 1 միլիարդ 900 միլիոն պարտավորություն հիմնադրամի նկատմամբ կատարված չէ: Այնպես որ, խորհուրդ կտամ ՝վարչապետին էլ դատի տան, եթե ուզում են բոլորին դատին տան, որոնք հարցնում են, թե ուր են ժողովրդի փողերը »:
Արփինե ՍԻՄՈՆՅԱՆ
