Իտալական «Յուվենտուսի» պորտուգալացի հարձակվող Կրիշտիանու Ռոնալդուն դարձել է պատմության մեջ առաջին միլիարդատեր ֆուտբոլիստը: Այս մասին տեղեկացնում է Forbes հանդեսը:
Սակայն 35-ամյա ֆուտբոլիստը ընդամենը երրորդ մարզիկն է, որ կարիերայի ընթացքում $ 1 միլիարդ է վաստակում: Այդ սահմանագիծը նրանից առաջ հաղթահարել էին պրոֆեսիոնալ բռնցքամարտիկ Ֆլոյդ Մեդվեյզերը եւ գոլֆիստ Թայգեր Վուդսը:
Forbes-ը տեղեկացնում է նաեւ, որ պորտուգալացին մոտ $ 650 միլիոնը աշխատավարձի տեսքով ստացել է տարբեր ակումբներում, մնացածը՝ տարբեր հովանավորների հետ պայմանագրերից:
Աշոտ ՀԱԿՈԲՅԱՆ
