Տեսչական մարմիններն այս ժամանակահատվածում հատել է 22 հազար ստուգողական այցերի շրջանակը, ինչը շատ մեծ ծավալ է: Այսօր այս մասին պարետատուն նիստից հետո ճեպազրույցում ասաց տեսչական մարմինների համակարգման գրասենյակի ղեկավար Արթուր Ասոյանը:
Նա նշեց, որ այցերի արդյունքում կասեցվել է 1490 տնտեսվարողի գործունեություն, այսօր 796 ստուգման արդյունքում կասեցվել է 220 տնտեսվարողի գործունեությունը: Այս գործողություններում, ըստ Ասոյանի, ներգրավված են բոլոր տեսչական մարմինները։
Գրասենյակը տնտեսավարողներին պատշաճ իրազեկում է պարետատուն կանոնների փոփոխությունների մասին։
Տեսչական մարմինները ոստիկանության հետ աշխատանքներ են իրականացնում, եւ ինչպես ասաց Ասոյանը, հատուկ միջոցառումներ են իրականացվել Դավիթաշեն, Նորք Մարաշ, Փոքր կենտրոն, Մեծ կենտրոն,Արաբկիր վարչական շրջաններում․ «Մենք նախապես չենք իրազեկելու մեր միջոցառումների մասին, որպեսզի ոչ բարեխիղճ տնտեսվարողները այո, անակնկալի գան եւ պատասխանատվություն կրեն իրենց վարքագծի համար: Բայց մեր նպատակը պատժելը չէ»։
Կարդացեք նաև
Ըստ Ասոյանի, այս ցանկում ներառված են բոլոր պետական հիմնարկները․«Օրինակ, մենք այսօր կասեցրել են կառավարության 1 եւ կառավարության 3 տներում գործող հանրային սննդի կետերը: Կասեցրել ենք նաեւ բուժհաստատության գործունեություն, որը եւս խնդիրներ էինք արձանագրել: Ունենք նաեւ դեպք մանկապարտեզի կասեցման։ Հատուկ եմ նշում այս դեպքերը, որպեսզի բոլորին հասկանալի լինի՝ կանոնները բոլորի համար են եւ դրանք ենթակա են կատարման»։
Նելլի ԲԱԲԱՅԱՆ
