Չնայած կորոնավիրուսով վարակման դեպքերի ահագնացող թվերին, որ արդեն հատել է 10 հազարի շեմը, իշխանությունը երկրորդ անգամ կարանտին չի սահմանի: Կառավարության ներկայացուցիչները, ի դեմս պարետ Տիգրան Ավինյանի ու վարչապետ Նիկոլ Փաշինյանի, ըստ երևույթին, որոշել են բավարարվել միայն դիմակ դնելու հնարավոր բոլոր եղանակները փորձարկելով:
«Իրատեսը» մեծամասնության ներկայացուցիչներից հետաքրքրվեց՝ կառավարությունը նորից կարանտին կսահմանի՞, եթե, այնուամենայնիվ, իշխանությունների ասած՝ այս իրավիճակի գլխավոր մեղավորը՝ ժողովուրդը, չանսա պարետի ցուցումներին: Գրեթե բոլորը միաձայն բացասական պատասխան տվեցին, ընդգծելով, որ անգամ մեկ շաբաթով կարանտին սահմանելուն տնտեսությունը չի դիմանա:
Նույն տեսակետին են նաև խորհրդարանի ընդդիմադիր խմբակցությունների ներկայացուցիչները: Տնտեսագետ պատգամավորներից մեկը զգուշացնում է՝ կանխատեսվող -2 տոկոսից էլ ավելի ցածր ցուցանիշ է գրանցելու տնտեսությունը՝ մինչև -10-15 տոկոս: «Միայն ապրիլին 74 հազար մարդ եկամուտ չի ստացել, ավելի քան 12 հազար աշխատատեղ էլ փակվել է: Հիմա պետք է գերջանքեր գործադրել իրավիճակը շտկելու համար: Պահը կորցրել ենք, եթե նորից փակենք երկիրը, հետևանքները սարսափելի կլինեն: Միակ բանը, որ պետք է անենք, կառավարման մենեջմենթն ու մարտավարությունը փոխելն է»,- մեկնաբանեց մեր զրուցակիցը:
Սևակ ՎԱՐԴՈՒՄՅԱՆ
Կարդացեք նաև
Հոդվածն ամբողջությամբ՝ «Իրատես» թերթի այսօրվա համարում:
