Բիլ և Մելինդա Գեյթսերի հիմնադրամը 100 միլիոն ԱՄՆ դոլար է հատկացրել Պատվաստումների ու պատվաստանյութերի գլոբալ դաշինքին՝ GAVI, որպեսզի կորոնավիրուսի դեմ պատվաստանյութի մշակումից հետո այն հնարավորինս շուտ հասանելի դառնա հատկապես աղքատ երկրների բնակիչների համար:
«Այս նախաձեռնությունը թույլ կտա անել հնարավոր ամեն բան, որպեսզի COVID-19-ի դեմ պատվաստանյութի մշակումից հետո բոլոր կարիքավորները՝ սկսած առողջապահության ոլորտի աշխատակիցներից, հասանելիություն ստանան»,-հայտարարել է Գեյթսը GAVI-ի առցանց գագաթնաժողովի ժամանակ, որն անցկացրել է Մեծ Բրիտանիան:
GAVI-ին հույս ունի ֆինանսավորում ստանալ մի մեխանիզմի համար, որը կերաշխավորի կորոնավիրուսի դեմ պատվաստանյութի զանգվածային գնում: Այս նպատակի համար նախատեսվում է հավաքել 2 միլիարդ դոլար, դոնորներին առայժմ հաջողվել է հավաքել 500 միլիոնը:
Ընդհանուր առմամբ միջոցառմանը հավաքագրվել է 8.8 միլիարդ ԱՄՆ դոլար: Մասնավոր և պետական դոնորներից ստացված միջոցներից 300 միլիոն դոլար կուղղվի երեխաների իմունիզացմանը:
Կարդացեք նաև
Պատրաստեց` Վիկտորյա ԱՆԴՐԵԱՍՅԱՆԸ
"In addition, we are supporting the #COVID19 Advance Market Commitment with a US $100 million contribution, and hope other organisations will consider committing in the coming weeks. We appreciate the incredible work of Gavi now more than ever" - thank you @BillGates!
— Gavi, the Vaccine Alliance (@gavi) June 4, 2020
