«Ռազմինֆո». Հունիսի 2-ին իսրայելական ռազմարդյունաբերական IAI ընկերությունը հայտնել է, որ փորձարկել են օպերատիվ-մարտավարական LORA երկու հրթիռ: Այս հրթիռային համակարգից իսրայելական կողմը վաճառել էր Ադրբեջանին:
Արտադրող ընկերությունը նաև հրապարակել է փորձարկման տեսանյութը: Փորձարկման համար հրթիռային համակարգը բեռնել են նավի վրա և, ըստ IAI-ի՝ «օվկիանոսում ինչ-որ տեղ» արձակել հրթիռները, որոնք խոցել են ջրային տարբեր թիրախներ՝ 90 և 400 կմ հեռահարության վրա, ինչը համընկնում է այս հրթիռների հայտարարված նվազագույն և առավելագույն խոցման հեռահարության հետ:
IAI ընկերությունից հայտնել են, որ իրենք բարելավել են էլեկտրոնիկայի և ալգորիթմների հետ կապված հարցեր, ինչը ազդել է ճշգրտության վրա: Հայտարարվել է նաև, որ թիրախները խոցվել են ճշգրտորեն: Նախորդ անգամ այս հրթիռների փորձարկման մասին հայտնել էին 2017-ի ամռանը, իսկ արձակումը կրկին եղել էր նավի վրայից:
Փորձարկման ժամանակ կար, սակայն, մեկ այլ ուշագրավ դրվագ: Նավի վրա բեռնված հրթիռային համակարգը տեղադրված էր բելառուսական 8×8 «Վոլատ» մեքենայի շասսի վրա, իսկ Ադրբեջանում շահագործում են հենց այդ մեքենայի վրա տեղադրված տարբերակը, քանի որ Ադրբեջանի ԶՈւ ավտոպարկում արդեն իսկ կային այդ մեքենաներից, ինչը շահագործման ու սպասարկման տեսանկյունից ավելի հարմար է դարձնում:
Կարդացեք նաև
Այս հանգամանքը, թերևս, հիմք է տալիս ենթադրելու, որ մեծ է հավանականությունը, որ փորձարկումն արվել է Ադրբեջանի ԶՈւ-ի համար:
Մանրամասները՝ սկզբնաղբյուր կայքում:
