Առողջապահության համաշխարհային կազմակերպության եվրոպական տարածաշրջանային գրասենյակի թիմի ղեկավար Հանս Կլյուգեն չի բացառել կորոնավիրուսի երկրորդ բռնկումը, որի հետևանքները կարող են «ավերիչ լինել»:
«Երկրորդ ալիքն անխուսափելի չէ, բայց գնալով ավելի շատ երկրներ են չեղարկում սահմանափակումները, կորոնավիրուսի կրկնակի բռնկման վտանգ կա, եթե վիրուսի տարածումը չկանխվի, ապա երկրորդ ալիք կլինի, որը կարող է շատ ավերիչ լինել»,-ասել է նա:
Կլյուգեն ընդգծել է, որ այսօր իրավիճակն ավելի բարվոք չէ, քան տարեսկզբին, քանի որ դեռ չկա պատվաստանյութ և բուժում կորոնավիրուսից:
Նշենք, որ հունիսի 3-ի դրությամբ աշխարհում կորոնավիրուսի հաստատված դեպքերի թիվը գերազանցել է 6 միլիոն 474 հազարը, համավարակի հետևանքով մահացել է 382 հազար 914 մարդ:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
