«Հանրաքվեի մասին» սահմանադրական օրենքում փոփոխությունների օրինագիծը, որը հեղինակել է «Իմ քայլը» խմբակցությունը, այսօր ԱԺ-ում ընդունվեց երկրորդ ընթերցմամբ եւ ամբողջությամբ: «Կողմ» էր քվեարկել 82, եւ «դեմ»՝ 17 պատգամավոր:
Հիշեցնենք, որ այս օրենսդրական փոփոխությամբ սահմանվում է արտակարգ դրության պայմաններում հանրաքվեի շարունակականության հարցը, մասնավորապես, արտակարգ/ռազմական դրությամբ պայմանավորված՝ նշանակված հանրաքվեն չեղարկվում է, մինչդեռ եղած կարգավորմամբ՝ հանրաքվեն կարող էր շարունակվել արտակարգ դրության ավարտից որոշակի ժամանակ անց:
Հիշեցնենք նաեւ, որ կորոնավիրուսի տարածմամբ պայմանավորված արտակարգ դրությունը համընկավ ՍԴ դատավորների «հին» կազմի պաշտոնավարման հարցով հանրաքվեի քարոզարշավի հետ, որն էլ ընդհատվել էր:
Կարդացեք նաև
Լուիզա ՍՈՒՔԻԱՍՅԱՆ
