ԱԺ-ում այսօր առաջին ընթերցմամբ քննարկվում է կառավարության հեղինակած՝ ՀՀ քաղաքացիական օրենսգրքում փոփոխությունների օրինագիծը: Ինչպես զեկուցեց արդարադատության փոխնախարար Ռաֆիկ Գրիգորյանը, նախկինում ուրիշի սեփականություն հանդիսացող տարածքում շարժական գույքի տեղադրումը չէր համարվում ներխուժում, եւ շարժական գույքի հեռացման հարցն օրենսդրական խնդիրներ էր ունենում. «Այս փոփոխությամբ ամրագրում ենք դա: Պետական եւ համայնքային հողերում շարժական գույքի հեռացման հետ կապված կառավարությունն առաջիկայում կընդունի կարգ, որը հնարավորություն կտա բնությունն աղտոտող շարժական գույքը տարածքներից հեռացնել»:
Պատգամավորներից հետաքրքրվեցին՝ օրինակ, ավտոմեքենաների մնացորդների կույտերն ինչպե՞ս են հեռացվելու տարածքներից: Փոխնախարարը պատասխանեց. «Եթե ջարդոնները կլինեն պետական եւ համայնքային հողերում, կհեռացվեն, իսկ կարգը եւ ծախսը կսահմանի կառավարությունը»:
Լուիզա ՍՈՒՔԻԱՍՅԱՆ
