Ռուսաստանի պաշտպանության նախարարությունը սկսում է նոր կորոնավիրուսի դեմ պատվաստանյութի կլինիկական փորձարկումները, որոնց կմասնակցեն զինված ուժերի հինգ տասնյակ կամավորներ։ Այս մասին հաղորդում է BBC-ի ռուսական ծառայությունը և հավելում, որ անցած 24 ժամվա ընթացքում երկրում հաստատվել է կորոնավիրուսի 8863 նոր դեպք, մահացել է 182 բուժառու:
Տեղեկատվության համաձայն՝ փորձարկումը կմեկնարկի հունիսի 3-ին, պատվաստանյութը մշակվել է զինվորական մասնագետների մասնակցությամբ ՊՆ-ի գիտահետազոտական ինստիտուտներից մեկում:
Հունիսի 2-ի դրությամբ՝ Ռուսաստանում կորոնավիրուսի հետևանքով զոհերի թիվը գերազանցել է 5000-ը, Վարակվածների ընդհանուր թիվը հասել է 423 հազար 741-ի։
Պատրաստեց՝ Վիկտորյա ԱՆԴՐԵԱՍՅԱՆԸ
