ԱՄՆ-ում վերջին օրերին սկսված անկարգությունների հետևանքով տուժել է հայ գործարարի պատկանող խանութ:
Wally Sarkeesian անունով ֆեյսբուքյան օգտատերն իր էջում լուսանկար է հրապարակել՝ կից տեղեկացնելով, որ 30 տարվա ընտանեկան բիզնես հանդիսացող խանութն ամբողջությամբ ավերվել է և թալանվել է: «Գողերը, որոնք հարձակում են գործել, ավերել ու թալանել են, ցուցարար չեն, գողեր են»,- գրել է նա:
Նկատենք, որ վերջին օրերին միջազգային լրատվամիջոցները գրում են, որ զանգվածային անկարգություններից տուժել է նաև բիզնեսը, մասնավորապես, փակվել են մի քանի տասնյակ խանութներ, դրանց մի մասը ավերվել ու թալանվել են:
Այսօր ավելի վաղ տեղեկացրել էինք, որ վերջին օրերին ԱՄՆ ոստիկանությունը բերման է ենթարկել մոտ 4400 մարդ, որոնց մի մասը՝ հենց թալանի մեղադրանքով:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
