Այս կամ այն քրեական գործով անցնող պաշտոնյայի՝ ՀՀ սահմանը հատելու ամեն դեպք ուսումնասիրվում է ՀՀ դատախազության կողմից: ԱԺ նիստում այսօր դատախազության 2019թ.-ի տարեկան հաղորդումը ներկայացնելիս անդրադառնալով փաստին, որ որոշ պաշտոնյաներ հասցրել են լքել ՀՀ սահմանը եւ հետախուզման մեջ են, ասաց ՀՀ գլխավոր դատախազ Արթուր Դավթյանը:
«Իհարկե, շատ լավ հասկանում եմ իրավիճակի զգայունությունը: Ունեցել ենք դեպքեր, երբ պարզվել է, որ անձի սահմանը հատելն արգելելը կլիներ հակաօրինական, հետեւաբար, այստեղ որեւէ մեկի մեղավորության խնդիր չկա»,-նկատեց Դավթյանը:
Նրա խոսքով. «Ստուգման արդյունքում ունեցել ենք նաեւ դեպք, երբ պարզվել է, որ հանցավոր անփութության արդյունքում է անձը կարողացել հատել սահմանը, եւ այդ փաստով դատախազության հանձնարարությամբ հարուցվել է քրեական գործ, եւ հիմա հատուկ քննչական ծառայության վարույթում ընթանում է նախաքննություն: Այս ուղղությամբ մեր աշխատանքն ամենօրյա է»:
Կարդացեք նաև
Լուիզա ՍՈՒՔԻԱՍՅԱՆ
