ԱՄՆ իշխանությունները վերջին օրերին տեղի ունեցած բողոքի ցույցերի ընթացքում բերման են ենթարկել մոտ 4400 մարդ: Նման թվեր է հրապարակել Associated Press գործակալությունը:
Գործակալությունը նշում է, որ բերման ենթարկվածներին հիմնականում մեղադրանք է առաջադրվել պարետային ժամի խախտման, ճանապարհները փակելու, թալանի համար: Հաղորդվում է, որ բողոքի ցույցերին մասնակցել է արդեն մի քանի տասնյակ հազար մարդ:
ԱՄՆ մի քանի տասնյակ քաղաքներում, այդ թվում Լոս Անջելեսում, Սան Ֆրանցիսկոյում, Չիկագոյում, Ատլանտայում, Դենվերում, Սիեթլում պարետային ժամ է սահմանվել:
15 նահանգներում մոբիլիզացվել է ազգային գվարդիան, իրավապահներին օգնում են մոտ 5000 գվարդիական:
Կարդացեք նաև
Բողոքի ցույցերը սկսվել են այն բանից հետո, երբ Մինեսոտայում ոստիկանը ձերբակալելիս սպանել էր 46-ամյա սևամորթ Ջորջ Ֆլոյդին:
Պատրաստեց՝ Վիկտորյա ԱՆԴՐԵԱՍՅԱՆԸ
