ՀՀ ԿԳՄՍ նախարար Արայիկ Հարությունյանը դեռ երեկ էր տեղեկացրել, որ ֆեյսբուքյան ուղիղ եթերում այսօր խոսելու է այն մասին, թե միասին ինչ պետք է անել, որ հնարավորություն ունենանք սեպտեմբերի 1-ին բացել դպրոցները:
Նա առաջին հերթին անդրադարձավ այս օրերին եւ շաբաթներին իր տեսածներից առաջացրած մտահոգությանը: «Դպրոցների մեծ մասում մեր պահանջները, խնդրանքները պահվում են, բայց ինձ համար շատ տարօրինակ են դպրոցական խնջույքների լուրերը եւ որոշ փաստեր, որտեղ վարակի տարածման ամենամեծ հնարավորությունը կա:
Սիրելի աշակերտներ, շատ ուղիղ ձեզ եմ դիմում: Սիրելի ծնողներ, ձեզ էլ խնդրում եմ՝ շատ ուղիղ փոխանցել այս ուղերձը ձեր երեխաներին: Ներդասարանային եւ այլ մասսայական միջոցառումներով մենք. ա) հեռացնում ենք հնարավորությունը բնականոն կյանքին վերադառնալու, բ) Մենք շատ հաճախ ապրում ենք մեր ծնողների, տատիկ-պապիկների հետ: Ձեր երեխաներն ամենայն հավանականությամբ այս հիվանդությունն ասիմպտոմ կկրեն, այսինքն, իրենց վրա ոչ մի բան չեն զգա՝ չեն ունենա տաքություն, չեն զգա թուլություն, բայց մեծ հավանականությամբ իրենք կվտանգեն իրենց տատիկ-պապիկների եւ ծնողների կյանքը:
Բայց էստեղ լուծում կա. ավելորդ շփումների պակասեցում, դիմակի կրում, ձեռքերի ախտահանում եւ սոցիալական հեռավորության պահպանում: Էս բաղադրիչները եթե պահպանում ենք, ըստ էության զրոյի ենք մոտեցնում վարակվելու եւ սեպտեմբերի 1-ից դասերը լիարժեք սկսելու հնարավորությունը»:
Կարդացեք նաև
Աշոտ ՀԱԿՈԲՅԱՆ
