Կորոնավիրուսով վարակված եւ ծանր վիճակում գտնվող քաղաքացիները գտնվում են Երեւանի «Սուրբ Գրիգոր լուսավորիչ» ԲԿ-ում: «500 մահճակալից 80-ը վերակենդանացման բաժանմունքի մասն են կազմում: Այսօր 95%-ով զբաղված են վերակենդանացման եւ մոտ 80%-ով՝ բաժանմունքների մահճակալները»,-պարետատան նիստից հետո այսօր լրագրողների հետ ճեպազրույցում հայտարարեց «Սուրբ Գրիգոր լուսավորիչ» ԲԿ-ի տնօրեն Արման Հովակիմյանը:
Հիշեցնենք, որ ապրիլի սկզբից ԲԿ-ն սպասարկում է միայն կորոնավիրուսով վարակված քաղաքացիներին:
Արման Հովակիմյանի խոսքով՝ ապրիլից մինչեւ այսօր ԲԿ-ն ընդունել է կորոնավիրուսով վարակված 1400 քաղաքացու, որոնցից 450-ը եղել են ծանր եւ ծայրահեղ ծանր վիճակում. «Ծանր հիվանդները կարիք ունեն վերակենդանացման բաժանմունքի, եւ դա ամենասուղ հարցն է այս օրերին: Քաղաքացիներին խնդրում եմ պահպանել պարետատան կանոնները: Վերջին օրերին ավելացել են ծանր եւ ծայրահեղ ծանր դեպքերը: Սա հորդորում ենք, որպեսզի առողջապահական համակարգը կոլապսում չհայտնվի»:
Կարդացեք նաև
Լուիզա ՍՈՒՔԻԱՍՅԱՆ
