Մարդու իրավունքների եվրոպական դատարանը Ռոբերտ Քոչարյանի գործով խորհրդատվական կարծիքը կհրապարակի մայիսի 29-ին: Այս մասին ասվում է Եվրադատարանի հաղորդագրության մեջ:
Հիշեցնենք, որ Հայաստանի Հանրապետության Սահմանադրական դատարանը ՀՀ 2-րդ նախագահ Քոչարյանին մեղսագրվող 300.1 հոդվածի վերաբերյալ խորհրդատվական կարծիք ստանալու նպատակով դիմել էր Մարդու իրավունքների եվրոպական դատարանին և Վենետիկյան հանձնաժողովին:
Եվրադատարանի հաղորդագրությունում նշվում է, որ Քոչարյանին մեղադրանք է առաջադրվել 2009 թվականի Քրեական օրենսգրքի 300.1 հոդվածով («Սահմանադրական կարգի տապալում»): «Ենթադրյալ հանցանքը կապ ունի 2008 թվականի փետրվարի և մարտի հետընտրական իրադարձությունների հետ, երբ ցուցարարները բողոքում էին նախագահական վիճահարույց ընտրությունների արդյունքների դեմ։ Մինչդեռ, այդ ժամանակ դեռ ուժի մեջ էր Քրեական օրենսգրքի 300-րդ հոդվածը՝ «իշխանության յուրացումը», – ասված է հաղորդագրությունում:
Պատրաստեց՝ Վիկտորյա ԱՆԴՐԵԱՍՅԱՆԸ
